Dhe hithra unë do shijoj!
Pelin'e hidhur do përtyp!
Por kurrë unë s'do lëvdoj
Pushtetin që në gjak të mbyt.
Me gjuhën kurrë s'do arrij
Shpatë xhelati të lëpij!
1997
DOLLIA E FUNDIT A.A.Ahmatova
Po pi për strehën e shpërbërë,
Për jetën si lubi;
Vetminë që ne na ka ngrënë,
Edhe për ty po pi:
Për ato buzë gënjeshtare,
Për ata sy të ftohtë,
Për këtë botë kaq gërnjare
Që Zoti e shpëtoftë.
1934
SA NA PËLQEN TË JEMI HIPOKRITË O.E.Mandelshtam
Sa na pëlqen të jemi hipokritë
Dhe të harrojmë shumë shpejt.
Në fëmini ne vdekja na zë pritë
Më shpesh se sa kur jemi pleq.
Fëmija i përgjumur preket lehtë
Dhe pjatën me ushqim s'e prek.
Por unë,që në botë jam i vetëm,
Kujt t'ia var buzët porsi derr.
Nuk dua të përgjumem porsi peshku
Përfundliqenit në kllapi,
Por vojtjet dhe telashet do të desha
T'i zgjidhja vetë në liri.
1932
HAMLETI B.L.Pasternak
Salla heshti.Drejt në skenë dola.
Në mandallk'e derës u mbështeta.
Po e ndjej nga larg unë jehonën
Që dërgon ky shekull i paqetë.
Errësir'e natës më vështron
Me sytë mbërthyer në dylbi.
Ati im,të lutem,më dëgjo:
Këtë gotë mos më ler'ta pi.
Qëllimin,që ke,e adhuroj,
Nuk i shmangem rolit të caktuar,
Dramë tjetër sot po përjetoj,
Lemë këtë dramë që ta luaj.
Un'e di,vendim tjetër s'do ketë,
S'mund të shmangem kurrë nga ky skaj.
Jam i vetëm.Rrotull farisejtë.
Jetën ta jetosh,s'është kollaj.
TI EC SIÇ KAM ECUR UNË M.I.Cvetajeva
Ti ec siç kam ecur unë
Me sytë e ulur mbi bar.
Tashi syt'e mi jan'në gjumë.
Ndalo,kalimtar,veç një çast!
Lexo emrin tim të fshirë
Dhe mblidh lulekuqe prush.
Marinë dikur më thirrën,
Vitet e mi zunë ndryshk.
Nga varri im mos u tremb,
S'do ngjallem të bëhem lugat...
Kam qeshur me tërë mend
Edhe kur kisha inat.
Fytyrën ma skuqte gjaku,
Baluket më binin ballit,
O kalimtar,pakëz ndalu!
Kam qenë dhe un'e gjallë.
Këpute një fije bari,
Këpute një manaferrë...
Si manaferra e varrit
Nuk ka tjetër me kaq erë.
Por veç mos rri i menduar,
Kokën mbi gjoks mos lësho,
Mendo gjë të bukur për mua
Dhe pa mundim më harro.
I tëri në dritë i veshur,
Me pluhur ari spërkatur...
Ky zëri im i qeshur
Nuk ka për të të pataksur.
1913