Lindur më 23 dhjetor 1990
Studente në Fakultetin Ekonomik dega Turizëm në Korcë.
Banuese, Drenovë, Korcë.
Shkruan poezi që në shkollën 8-të vjecare.
Ka botuar poezi në shkollen e mesme në librin e shkollës.
Unë nesër jetoj
Dhoma është krejt errësirë
Unë mbyll sytë që më shumë ta errësoj
S'e kuptoj pse natën vdes
Dhe ditën sërisht jetoj
Shpirti endet nëpër dhomë
Dhe pse errët ai fluturon
Unë në shtrat ri si e ngrirë
Që nesër në mëngjes…..të jetoj
Ndjej zemrën që rreh diku atje
Sytë përpëlit dhe hap me ngut
Shpirti i lodhur, endur nëpër dhomë
Tani në mëngjes është sërisht në trup
Errësira tani zhduket
E me sy mbyllur dritën nuk mund ta errësoj
Nëse natën vdes …Dije se ditën unë jetoj.
Fluturimi ynë
Kur të shkosh atje lart mos harro
Se këtu poshtë jam unë
Ndaj zgjati krahët e tu dhe më merr
Të premtoj….s'do të rëndoj shumë
Do jem e lehtë si asnjëhere
Nuk do bëhem shqiponjë
As flutur nuk do të jem
Por thjesht nje fllad i lehtë vere
Që mbi re ty të gjen
E kur të dy të jemi atje lart
Këta poshtë nuk do t'i harrojmë
Do t'i kujtojmë përherë me mall
Dhe pse qenë shkak
Për fluturimin tonë.