Miresevini ne ALBPOEM.COM

SI DETI

Transparent

në brendësinë tënde

I qelqtë je, i xhamtë.

I tejdukshëm

ku thelb i syrit

veç drit’ e pastërti shikon:

Prap diçka e fsheh.

në thellësi të pamatë,

Si deti

që fundin maksimal

kurrë s’e tregon!

E KTHEN

Në mesvapën që zhurit

ndjenja ime akullnajë;

Kur më ike aq papritur

si reve një vetëtimë.

Dhe e kthen, nëse më kthehesh

qënien time në zjarrnajë,

Në mesdimrin e acartë

shpuzë e prush e flakërimë

SËRISH

Nëse në sytë e tu

kërcënon egërsia,

Për mua zemra jote

sërish strehë do ketë;

Në sipërfaqe dallgët

tërbohen nga stuhia,

Por thellë,

ndënë to,

Oqeani është i qetë.

KUR RRËFEJNË PLEQTË

Si fëmija

shpirtin dëfrenjës,

Mbështet

si i zënë në faj;

Zemrën te palc’ e rrëfenjës

Mendjen, te koka e saj.

Ali Bregu ka lindur ne Vinçan te Korces me 25 Maj 1943. Ka kryer studimet e larta per gjuhe-letersi.

Per 40 vjet me radhe ka punuar si mesues ne shkolla te ndryshme. Aktualisht eshte ne pension.

Pasioni i tij ka qene letersia, gaetaria dhe krijimtaria letrare. Vecanerisht vitet e fundit eshte mare me shume me krijimtari letrare duke bere te mundur botimin e 8 librave me poezi dhe fabula. Vazhdon te shkruaje dhe te botoje krijimtari poetike dhe fabula ne shtypin qendror dhe lokal.

FABULA 

NJË QELBAKE E NJË QELBAK

Kok’ e këmbë gjith batak

Me sapunin që ve shkumë

Një qelbake e një qelbak

Vanë të lahen në lumë.

U pastruan mir’ e mirë

Edhe lëkura u ndrit,

Por u mbeti krejt këllirë

Emri, thellë gjer në shpirt.

DREJTËSI

Atje ku grabiste ferra

Lesh nder dhen edhe ndër shqerra

Me ç’më tregoi mëmë dhia,

Vuri dorë drejtësia...

...Kryearës përmbi vijë

Shkulte një, mbinin një mijë.

I DJALLËZUARI

Kur pa pleshtin te një femër,

I djallëzuari me emër

E pyeti pa ndrojtje copë:

-Çfarë po bën me këtë lopë?!

-Çë?! – Tha femra e vuri veshin

I a pat ky: -Po flas me pleshtin!

SERVILIZËM

Deputet-ariu gërrhiste

Në parlament pa pushim.

Lepuri servil bërtiste:

-          ketij i them diskutim!