Vetmi
Të gjithë miqtë ikën…
Vanë ahengjet der’ në të gëdhirë,
Shokët ikën edhe më larg…
Qeni besnik gëlltiti copën e fundit
verem
Dhe gjithë natën vajtoi në prag.
Gjithçka në mendjen time rrëmujë
Dhe trishtimi mu kthye në gërmadhë.
Ikjet
Dhe më thanë : Do të shërohesh?
Largohu!Këtu të gjithë vuajnë sëmundjen e marrëzisë.
Braktise vatrën,nënën,këngën,zjarrin e dashurisë.
Dhe unë ika…
Kujtimet dhe ëndërrat hodha
Si sende të ngelura në sirtar së koti.
Barrë më ngeli veç brenga dhe loti.
Për humbjen e dashurisë
Dielli me hepatit dimëror
Nuk mund t'a fshehë,jo,
Dashurinë time ndjenjëmarrosur,
As perëndimi humbarak,
S'flligështon dot me mëkatin e lashtë.
Një pemë e zvetënuar vjeshte
Edhe pse e konturuar përsosmërisht
Është vetëm imazhi i trupit tënd.
Ndryshe ndodh në realitetin hepileptik.
Joshja është oreksi i të panginjurit
Që gjithë kohën kërkon të lodrojë
Në shtratin e veseve të Magdalenës.
Prangat janë një shans më pak
Për të mbetur tërë jetën robi yt.
Nuk e kam aspak zili
Atë zog të mallkuar legjende,
Lindur sakat për t'u dënuar
Që dashurinë mos takojë kërrkund.
Por unë gjithsesi vuaj
Nga dashuria e cunguar...
Epitaf per Mirko Gashin
Litari i hequr zvarrë
Hapi plagë,
Këputet në nyjën pesëdhjetë e gjashtë.
Qyqja u mek,
Lajmin kob dot se tha
Dhe gjoksi u ça...
Ngelën në zemrën e madhe
Dashuriçkat e vogla
Dhe syçkat gënjeshtare.
Thirri Nënës së Vatrës
Kupën e helmit t'a derdhë
Ti paqen bekoje me verë.
Çaste Në Bit Pazar
Zoti askënd s'do të zbresë në Bit Pazar,
Jo se kamarierja Sebaha do frigohet
Dhe s'do fërkohet
Pas këmbëve leshtore
Të djaloshit nopran,
Por njerëzit që rrethuar të kanë
Do shembin minaren krenare
Si kulla e Babelit mbetur gërmadhë .
Bit Pazar,
Ti që hipokrizi dashnorësh
U shet njerëzve të tu
Asgjë s'do të lë pas...
Do falja vetëm një çast
Sikur kamarierja Sebaha,
Të më ftojë në hamam të Pashait ,
Të marrë me tapi fallco
vetëm për një natë.
Bit Pazar,
Djelmoshat e t'u prepotentë
Duke pirë çaj rus
Bëmat e tua pshurrën.
Ti bit Pazar,
Falu vetëm çorbën tënde
Dhe qebapë të Destanit.
Mua që nuk më jep një shishe birrë
Freskomë vetëm me hijen e rrapit.
Të gjithë alltanët t'i kam falur
Vetëm për bukuroshen Sebaha,
Natën e Mirë Bit Pazar!.
Shkup ,korrik 1998
| Vetëvrasësit
Kushtuar N.S
Mbas puthjes së fundit
Djaloshi përqafoi vdekjen.
Bishti i cigares
Shtypur me gishtin e madh
Nga kujtesa i fshihu gjithçka;
Lumturinë aksidentale,
Ëndërrat e plagosura,
Përkëdheljen e krelave të arta,
Puthjen e syve të kaltër...
U larguan të gjitha fytyrat kërcënuese,
U harruan të hollat për të dashurën,
Mbaroi gjeografia e udhëtimeve,
Gradaçelat dhe minaret.
Në vendin ku duhej të ishte pistoleta
Gjerdani me gurë të rremë
Që i kishte blerë vajzës.
Harroi natën e parë.
Injeksioni i vdekjes 7.62 milimetra.
E përqafoi deri në asht Jetën e rinisë plake Ende besonte tek mirësia.
Në terrin e gjërave të zhurmëshme
Iu fanit sikur mbrriti helikopteri bardhë.
Gjaku ëndërrën ia prishi,
Foshnja filloi sërisht të qajë.
Në çastin fatal
Shpërfilli dy milionët e udhëtimit,
Klinikat e heshtura,kujdestaret e natës,
Fytyra e foshnjës më pranë i erdhi
Për t'i derdhur lotët e mallit.
* * *
Në çastet që terri
Vendin do t'ia linte agut
Gjyshja që ditë-netët kish nëmur
Lutej veç për gjumin e ëmbël të vajzës.
Ditë – Natë e Nëmur
Ditë – natë e nëmur!-
Mallkoi gjyshja një shekullore
Pasi i mbaroi së treguari
Përallën e radhës mbesës lazdrane.
Në rrudha nuk i numërohen vitet,
As në duart e fishkura
S'i parashikohet fati,
Më as ëndërrat nuk i dalin.
Dhe vajza gjumin gëlltiti siç kapërdiu
Peshku ëngjëll luspë-artë smeraldin.
Dita vjen me çizmet gjith' baltë,
Cigare tymos,nganjëherë edhe hashash.
Epshin nginj me vajzat
Që "Ate" punë në ëndërr e kanë bërë
Vetëm me Princër Të Kaltër.
Rebelohet dita,
Mbas saj edhe vajzat,
Që virgjërinë pa drojë flakën,
Kurse çarçafët e përgjakur
Përsipër ua hodhën gjysheve llafazane.
Djelmoshat hënën kafshuan
Që terri të mbrrinte nga rrugë e largët.
Nata ëndërrbraktisur zgjohet si lugat
U fikën dritat,zemra pësoi atak.
Duart dridhen
- rënkime e dhimbje.
Nëna e re qumësht për foshnjën s'ka
Veten harroi nga veshkat e thara.
(Korce, 2007) |